Андижон вилояти ҳокими Шуҳрат Абдураҳмонов Янги Андижон шаҳридаги қурилиш ишлари билан танишиш чоғида қурувчиларни ногиронлар аравачасига ўтирғизиб ишининг сифатини текширди. «Битта ногиронни ҳеч қайсинг уйингга олиб киролмайсан. Қилаётган ишимиз бир тийин бўлмайдими?», — деди Шуҳрат Абдураҳмонов.
Қурилишининг бошланишида президент иштирок этган Янги Андижон шаҳрида кам қаватли бинолар устунлик қилади, ҳовлиларида яшил майдонлар барпо этилади. Бўлажак шаҳарнинг чизма ва макетлари — «Газетa.uz» фоторепортажида.
Президент Шавкат Мирзиёев 2022 йил 1 мартдан бошлаб Андижон шаҳри таркибида «Янги Андижон» тумани ташкил этилишини маълум қилди. «Янги Андижонда „Дамас“ бўлмайди. У ерда ер усти ёки ер ости метросини қуриш бўйича ҳисоб-китоблар қилинади. Маъқулини қурамиз», — деди давлат раҳбари. Янги Андижон лойиҳасининг коммуникация тармоқларини қуришни бошлаш учун 100 млн доллар ажратилади.
Қўшимча имкониятларга эга булиш учун сайтда рўйхатдан ўтинг